Trending

Hei le, mipa tihlawm dan thurûk

Hei le, mipa tihlawm dan thurûk




Hmeichhia te nen inang lo takin mipate hi han tih- lawm mai an awlsam em em a. Pasal te han tlawn leh tihlawm dan hi thil harsa leh thlan sa phul kaia buaipui tham engmah a awm lo. Saptawnga, 'Simple' tih hian a phawk chhuak zo awm e. A nih leh, engtinnge i tihlawm anga, i tih- hlim anga, i lakah hian a luanliam zawih zawih theih ang le? Zawhna a awm chuan chhanna pawh awm ve turah ngai hmiah teh ang.

ZEI TAKA LO HMUAH

Hnathawhna atanga a lo haw-in, hlim tak leh duhawm takin lo hmuak la, chiau-au thin ang che.  Ei tur tui tak, in chhung thi-anghlim leh fel fai tak, rim tui bawk siin lo hmuak la, sexy ve deuh hleka i lo awm pawh kha a hahna zawng zawng vawm bo thei tu a ni tlat mai a, eng- emaw a pawina le? Chutah, engnge lo thleng thlir rawh le.

THUP TUR CHIN HRIAT

I pasal hriat ve atana tul(ngai) kher lova i hriat chuan hrilh kher duh suh. Mipate hi buaina leh harsatna chingfeltu turte an ni a, chutih laiin hmei- chhia te erawh buaina leh harsatna sawi nuam ti tak an ni thung. A dik em?  I pasal kha a chau va, i thusawi a ngaihsak tehchiam lova, a bengkhawn lem lo anih bawk barhluih emaw sawi pui chiam tum lo mai la, hun rem-chang melh zawk rawh.


HUN AWL A DUH VE THO

Ama puala hun awl leh hmun awl a neih theihnan remchanna siam sak thin la. Hetianga hrethiam tak chunga i thlahfalna thin hi a hre rei khawp ang. I lakah lawmthu sawisen lohnen a lo kir leh ngei ang. 

Tichuan, i thiante, i unau te leh nu te nena hun inhman pawhin a sawi buai ngai lo- vanga, hriatthiamna pumhlum a nei zawk dawn a lo ni.

A TAK HMANGAIHNA

Engzata tam pawh sum la lut se, an induhtawkna nen hian an sum lakluh zat hi in 'hen' tawk se an ti fo thin. Thlamuang leh hahdam taka i awm theihnana rim taka hna a thawhna leh taimakna te hi hriat pui mai lovin, sawi la, hrilh fo ang che.

A theih leh remchan dan ang angin puih tum la, com- puter a chian lohin, a bulah a tul leh mamawh a lam theih- nan awm pui la, pipe a chhiat- in, lo vawn pui bawk la.

Nakinah a puihna i la ma-mawh ngei ngei dawn a sin. 

Chutah chuan a nupui i nih vang mai ni lovin, tanpui tlak
leh mamawh i nihna hi hrethiam chungin phunnawi miah lovin a pui nghal bawrh bawrh ang che.


A NIHNA ANG ANGIN

A chhungte leh a nu leh pa, a unaute leh a chipuite tan thian tha leh duhawm tak i ni lo mai thei. I pasal bulah hian kum tam tak an lo tal tawh a, chuvang chuan he inbeihnaah hian hnehna i chang thei lo. I chang ngai bawk lovang.  I tih tur leh hmalakna hmasak ber tur chu- pawm thiam dan ngaihtuah la, a nih na ang angin pawm mai rawh.
  
A him ber tih ringhlel bawk suh ang che. Beih let ve emaw, an inkara hem thlaktu nih tum ai chuan thatnaa thun- grulh hi khuarei ah a tlova, a inchhirawm loh ber bawk.



No comments:

Post a Comment